നീയാം പൊൻചിന്ത്
നീ വരുവോളം നിൻ ചിന്തകൾ
നീയണഞ്ഞാൽ പൊന്നിൻ ചിന്തുകൾ
കാണാതിരിക്കുമ്പോൾ കൈപ്പുനീർ
കാണുമ്പോൾ ആനന്ദ കണ്ണുനീർ .
മുറ്റത്തെ മുല്ലയിൽ പൂക്കൾ നിറയുമ്പോൾ
മുത്തേ ,ഞാൻ നിന്നെയോർക്കും .
മുന്നാഴി പൂക്കളെൻ ആത്മാവിൽ വീശും നിൻ
വാസന്തം ഞാൻ നുകരും .
സ്നേഹത്തിൻ പാഠങ്ങൾ എത്രയോ നീയെന്നെ
ചൊല്ലിപ്പഠിപ്പിച്ചു പെണ്ണേ ....
എൻ കരൾ താളിൽ കുറിച്ചിട്ടതൊക്കെയും
ഏറ്റു ചൊല്ലുന്നേവം ഇന്നും .....
Not connected : |
