അനുവാദമില്ലാതെ  

നിൻ്റെ ഓർമ്മകളിൽ
വീണു കിടക്കുന്ന ഒരിലയിൽ
എൻ്റെ മോഹമഞ്ഞ ;
എൻ്റെ സ്നേഹ ഞരമ്പ്;
പച്ചയായിരുന്ന എൻ്റെ രാഗം
കാത്തു നിന്ന്
ചുവന്നു പോയ പാടുകൾ...

ഞാൻ പോലും ശ്രദ്ധിക്കാത്ത
വേദ നയുടെ പാടുകൾ...
പച്ചക്കരയുള്ള സാരിയുടുത്ത്
നീയതിലെ നടന്നു പോകും
പീലി വിടർത്തിയ
മയിലിനെ പോലെ
നീ നടന മാസ്വദിക്കും

വീണു കരിഞ്ഞ ഇലകൾക്കിടയിൽ
ഞെട്ടറ്റ ഒരു സ്വപ്നം
പാതി ജീവനുമായ്
നിൻ്റെ നടനം
കണ്ണിൽ ചേർക്കും

തിരക്കിലായ
നീയൊന്നും കാണില്ല
എങ്കിലും
നിൻ്റെ ഓർമ്മകളിൽ കിടന്ന്
അതുണങ്ങാതിരിക്കാൻ ശ്രമിക്കും
ഞെട്ടറ്റ മരത്തെ കുറിച്ചോർത്തല്ല
വീണു കിടക്കാൻ
അനുവാദമില്ലാതെ
കിട്ടിയ ഇടത്തെ കുറിച്ചോർത്ത്

0

രചിച്ചത്:മുനീര് അഗ്രഗാമി
തീയതി:22-07-2015 02:53:56 PM
Added by :muneer agragami
വീക്ഷണം:298
നിങ്ങളുടെ കവിത സമ്മര്‍പ്പിക്കാന്‍