മുഹബത്ത്
മതിമുഖിയെന്നും മോഹമുണര്ത്തും
മധുവിധുരാവും മാടിവിളിച്ചൊരു
മാനസയല്ലേ മലരൊളിയല്ലേ
മടിയിലുറങ്ങിയ മഞ്ഞണിയല്ലേ...?
മീനപ്പെണ്ണിന് മുടിയും മൂടിയ
മാരിക്കാറിന് മാറ്റൊളിപോലെ
മുല്ലപ്പൂവിന് മണവും മയങ്ങും
മുഹബത്തെന്നത് മായികമല്ലേ..?
മഞ്ചുളവാണിനിന് മുത്തണിചുണ്ടില്
മരണം മുത്തിയ മദനന്മാരും;
മരണമണിഞ്ഞൊരു മരതകമുത്തിനെ
മനസിലുരുക്കും മണ്ടന്മാരും;
മന്ദാകിനിനീ മറുവിളിയേകാന്
മുറവിളികൂട്ടിയ മാനസരോഗികള്..!
Not connected : |
