മടക്കം
അന്ത്യം തലോടാത്ത വിശാലത
വിരഹ വികാരത്താല്‍ വിദൂരത
ദര്‍പ്പണ സഞ്ചയം ചേര്‍ന്നപ്പോഴും
നിഴല്‍ നിലയ്ക്കാത്ത ചിത്തതാരേ..
എന്നുള്ളിലെവിടെയോയേറെ
പല വാസരങ്ങളായി നീ
ഒരു പ്രണയ സാഗരം പോലെ
ശാന്തമായും, അലയടിച്ചും ,
പ്രീണിപ്പിച്ചും ,പ്രകോപിപ്പിച്ചും
തീരാഗര്‍ത്തിനുള്ളിലൂടെ കടന്നു പോയി .
ഒരു വാക്ക് മൂളാതെ ഒരു പുഞ്ചിരിയേകാതെ
നിന്‍റെ യാത്രാമൊഴി
വളരെ ലളിതമായരുളി
എന്‍റെ വിട കേള്‍ക്കാന്‍
കാതോര്‍ത്തിരിക്കുന്നു....
യാമങ്ങള്‍ നമുക്ക് കൂട്ടിനുണ്ടായിരുന്നു
യാവതും നമ്മുക്ക് സ്വന്തമായിരുന്നു
നിന്നോട് യാത്രപറയുവതെങ്ങനെ -
യെന്നറിയാതെ .....
നിന്‍റെ വാക്കുകള്‍ കടമെടുത്തുകൊണ്ട്
നിന്നില്‍ യാത്ര ചോദിപ്പൂഞാന്‍ .
Not connected : |
