തേടിയൊരീ യാത്ര 

താളലബദ്ധമാം-
തുടിപ്പിൻ ധ്വനികൾ,
വാക്കുകൾ കാതോർത്ത്,
ലാവണ്യ വദനം തേടി...
ഉയരും മോഹകിനാ വീചികൾ,
വിദൂരതയിൽ തെളിയും-
മായാഗനയെ തേടി..

അലയുമീ ഊഴി ഉറങ്ങും-
ആഴിത്തൻ ഗർത്തങ്ങൾ താണ്ടി..

പ്രഭാത ദേവൻത്തൻ സഖിയാം
പത്മ ദളങ്ങളിൽ തത്തി,
ഹിമഗിരിയെ ആർദ്രമാക്കും
ആദിത്യ പുത്രനെ വണങ്ങി,
അരുണാഭമാം പൊയ്കത്തൻ-
മെയ്, വാരിപുണർന്ന്
ഉയർന്നു പൊങ്ങി, നിശാ-
താരങ്ങളെയും തലോടി

തിങ്കളിൻ താഴ് വരയിൽ-
എത്തി നിൽപൂ, പ്രിയംവതയെ
തേടിയുളൊരീ യാത്ര..

ഋതുക്കൾ മാറിമറഞ്ഞീടും,
കാലസൂചി എങ്ങും നിലക്കാ-
യാത്രയിലാഴ്ന്നിടും,
എങ്കിലും മമസഖിതൻ
വദന കാന്തി
മായുമോ മറഞ്ഞീടും-
വരെയും..
ഈ തുടിപ്പിൻ കണം
പൊട്ടിക്കും വരെയും..

കുളിർമഴതൻ കര-
ലാളനം തോൽക്കും,
തൂവൽ സ്പർശം
തേടിയുളൊരീ യാത്ര
പൂവണിഞ്ഞിതാ..
അവൾ വസിക്കും
തിങ്കളിൻ താഴ് വരയിൽ,
താരകവാടി തൻ അരികിൽ,
അവൾക്കു മുന്നിൽ..

പതിയെ അറിയവെ,
ഇവളില്ലാ ആ ഉഷ്ണ ഭൂമി-
എനിക്കും അന്യമെന്ന്..!!

0

രചിച്ചത്:Sreenath
തീയതി:04-10-2015 12:51:17 PM
Added by :Sreenath
വീക്ഷണം:142
നിങ്ങളുടെ കവിത സമ്മര്‍പ്പിക്കാന്‍