സാരംഗി
സാരംഗി
എൻ തന്ത്രികളിൽ-
മീട്ടിയൊരാ ഗീതികൾ,
പ്രണയത്തിൽ ചേർന്ന് നിന്നു..
പുഞ്ചിരിച്ചും തലോടിയും,
അവളുടെ വിരൽതുമ്പേകിയ
ശ്രുതികൾ ഞാനേറ്റുപാടി,
തിങ്കളെ സാക്ഷിയാക്കി
അവൾ മീട്ടിയ പ്രണയ-
സാന്ദ്രമാം വിചികൾ,
കേട്ടുപതിഞ്ഞൊരാ-
രാഗം പോലെ,
ഞാൻ മാറോടണച്ചു.,
പ്രണയം പൂവിട്ടൊരാ
മാത്രകളിൽ,
എൻ തന്ത്രികൾ
മീട്ടിയൊരാ രാഗങ്ങളും
മോഹങ്ങളും,
അവനേകി അവൾ
പുഞ്ചിരിച്ചെന്നെ തലോടി..
ചെരുപുഞ്ചിരി-
തിരികെ നൽകിയും,
മീട്ടിയ രാഗം ഏറ്റു പാടിയും,
എൻ തന്ത്രികൾ നീറി-
കരഞ്ഞു, പൊട്ടുംവിധം..
മോഹിക്കാൻ കഴിയാത്തൊരീ-
സാരംഗി തന്ത്രികൾ
അവർക്കു വേണ്ടി
പ്രണയ രാഗങ്ങൾമൂളി-
മൂകതയിലലിഞ്ഞു ചേർന്നു..
Not connected : |
