ഏഴുതിരിയിട്ട വിളക്കിൻ മുന്പിൽ
ഏഴുതിരിയിട്ട വിളക്കിൻ മുന്പിൽ,
ആരും എഴുതാത്ത ചിത്രം കണക്കെ..
ആ മിഴി പൂവുകൾ പാതിയടഞ്ഞു,
ആരും വരക്കാത്ത ചിത്രം കണക്കെ..
ആ നിറ പൊട്ടുകൾ പാതി തുടച്ചു,
ആരും വരക്കാത്ത വൃത്തം കണക്കെ..
ആ ചുരുൾ മുടികൾ പാതി അഴിഞ്ഞു,
ആരും താഴുകാത്ത തെന്നൽ കണക്കെ..
ആ ചെറുമൊഴികൾ പാതി മുറിഞ്ഞു
ആരും കേൾക്കാത്ത ശബ്ദം കണക്കെ..
ആ കരിവളകൾ പാതി ഉടഞ്ഞു,
ആരും കേൾക്കാത്ത ശബ്ദം കണക്കെ..
ആ പെരുവിരലുകൾ പാതി മുറുക്കി,
ആരും പണിയാത്ത ശില്പ്പം കണക്കെ ....
Not connected : |
