സുഹൃത്ത്
..................................സുഹൃത്ത്...........................................
ഏതോജന്മത്തില്‍ തീര്‍ത്ത -
ബന്ധമാകാം ഞാനും നീയും
ഈജന്മത്തിലനുഭവിക്കും-
സ്നേഹസൌഹൃദത്തിന്‍ സുഖം.
ഏതോജന്മത്തില്‍ നല്‍കാന്‍-
ബാക്കിവെച്ചതാകാമെന്‍-
വിശപ്പിന്നു നീനല്‍കും -
അന്നത്തിന്നമൃതഭോജനം.
ഏതോജന്മത്തില്‍ നീപറായാന്‍-
കൊതിച്ച വാക്കുകളാകാം -
ഇന്നെന്‍റെ ദുഃഖത്തിന്‍-
തീക്ഷ്ണതക്കാശ്വാസവചനം.
ഏതോജന്മത്തില്‍തീര്‍ക്കാത്ത-
ദേഷ്യമാകാം നിന്‍വാക്കിലും നോക്കിലും -
ഞാന്‍ തിരിച്ചറിയുന്ന-
നിന്‍മധുരപ്രതികാരം.
ഏതോജന്മത്തില്‍ കരയാത്തതാകാം-
എന്‍റെ മരണശയ്യയില്‍-
നിന്നെതനിച്ചാക്കി മടങ്ങുംവേളയില്‍-
നിന്‍റെകണ്ണില്‍നിറഞ്ഞ പെരുമഴ.
ഇനിയൊരുജന്മംകൂടി-
ഞാനും നീയും ഈഭൂവില്‍-
സ്നേഹത്തിന്‍ ചിറകുവീശി-
പാറിപറന്നുല്ലസിച്ചീടുമോ.
..............................................................................................
.............................................................................................
.......................ഉണ്ണിവിശ്വനാഥ്...............
Not connected : |
