പ്രണയിനി
കാമുക....നീയറിയുക
അന്നെന്‍ പ്രണയം വികാരമായിരുന്നെങ്കില്‍
ഇന്നെന്‍ പ്രണയം വിചാരമാണ്...
കാമുക.....നീയറിയുക
അന്ന് നീയോതിയ വാക്കുകളൊന്നും ഇന്നെന്‍
സ്മരണയിലില്ലെങ്കിലും ഇന്നുഞാനറിയുന്നു
പ്രണയം അതെത്ര തീവ്രമാണ്....
കാമുക.....
അന്നു നീ പറഞ്ഞില്ലേ..കരിങ്കല്ലാമെന്‍
ഹൃദയതിന്നലിവില്ലെന്ന്.....
എങ്കില്‍ നീയറിയുക......
പ്രണയപ്രവാഹത്തിലെന്നേ...
ഈ ശില ഉരുകിപോയി...
മകളും മകനും പതിയുമടങ്ങുന്ന
എന്നില്‍ തളിര്‍ക്കുന്നു പൂക്കുന്നു
പ്രണയമാ.... പൂമരം.
Not connected : |
