പിറവി  

പിറവി
。。。

ഒരു പൂവായി വിരിഞ്ഞു
പൂമണം പടർത്തി, ഈ
നാടിൻ്റെ ദുർഗന്ധം അകറ്റണം ...
ഒരു മരമായി വളർന്നു
ചില്ലകളിൽ കാക്കയ്ക്കും
കിളികൾക്കും കൂടൊരുകണം,
മണ്ണിനെ പുണർന്നു തളർന്ന
കർഷകനെ തണലാകണം!
ഒരു പുഴയായി ഒഴുകി
ഈ വരണ്ട ഭൂമിയെ വീണ്ടും
ധന്യയാകണം!!
ഒരു മഴയായി പെയ്ത
കഴുകി കളയണം പല
നിറങ്ങളിൽ പൂശിയ ജാതി മതങ്ങളെ!!
ഒരു പൂവായി മരമായി
പുഴയായി മഴയായി_
ശേഷമൊരു മനുഷ്യനായി പിറക്കണം
മനുഷ്യനായി ജീവിക്കണം
മനുഷ്യനായി മരിക്കണം!!!
വീണ്ടും
മണ്ണിൽ അലിഞ്ഞൊരു
ചെടിയായി വളരണം,
പൂവായി വിരിയണം ...

അജു

0

രചിച്ചത്:അജുലാൽ (അജു)
തീയതി:21-04-2016 04:33:53 PM
Added by :Ajulal.A
വീക്ഷണം:248
നിങ്ങളുടെ കവിത സമ്മര്‍പ്പിക്കാന്‍