നഷ്ട്ട പ്രണയം (പ്രതികാരം)
ഒരു കുഴികുത്തണം.
അതിൽ കുഴിച്ചുമൂടണം എന്നെ
കൊല്ലാൻ ശ്രമിച്ചവരെ.
പ്രേമത്തിന്റെ പരകോടിയിൽ
വെച്ചെന്റെ രേതസിനെ നിഷ്പ്രഭമാക്കി,
വർദ്ധിച്ച മാംസളപിൻഭാഗം കാട്ടി,
ചിരിച്ചെന്നൊ കരഞ്ഞെന്നോ
കാട്ടാതെ എന്നെ ആ കിടക്കയിൽ
മരണത്തിനു വിട്ടുകൊടുത്തു,
വേറെ ആർക്കോവേണ്ടി കൂറു തേടി പോയ
എല്ലാ പ്രണയിനികളേയും
ഞാനീ കുഴിയിൽ കുഴിച്ചുമൂടും.
അവിടെ ഞാനൊരു മരം നടും
അത് വളർന്ന് വന്ന്, അതിന്റെ
ഇലയും കായും വിഷം പരത്തിയീ
ഭൂലോകത്തിലെ എല്ലാ
പ്രേമാത്മക്കളേയും ഞാൻ
മരണത്തിലേക്ക് ക്ഷണിക്കും.
ഒരു കുഴികുത്തണം.
അതിൽ കുഴിച്ചുമൂടണം എന്നെ
പ്രണയിച്ചു കൊല്ലാൻ ശ്രമിച്ചവരെ.
#റിൻഷാദ് അസ്മീ
Not connected : |
