"നിലാവുണ്ടായിരുന്നു ആ രാത്രിയിലും"
നിലാവുണ്ടായിരുന്നു ആ രാത്രി ഒന്നു ചെവിയോർത്താൽ കേൾക്കാം നിലാവിൽ മഞ്ഞു പൊഴിയുന്ന മർമരം
ഓർമകൾക്ക് സുഗന്ധം ദൂരെ നിലക്കാതെ പെയ്യുന്ന ആ നിലാമഴയിൽ സ്വർഗകവാടം എനിക്കായ് തുറന്നുവോ എന്നു ഞാൻ ഓർത്തു.
നിലാവുണ്ടായിരുന്നു ആ രാത്രിയിലും
മുറ്റത്തെ കോണിലെ തേൻമാവിൻ ചുവട്ടിൽ അവളെന്നെ പുൽകുമ്പോൾ ഈ നിലാവും മൂകസാക്ഷിയായി നാണത്താൽ നിഴലിൻ മറതീർത്തിരുന്നു
ഇണ ചേർന്ന കൈകളെ പുൽകി ഈ നിലാവും ഈ കുളിർ തെന്നലും ദൂരെ പെയ്തൊഴിഞ്ഞ ആ നിലാമഴയും അവളെന്റെ സ്വന്തമെന്ന വാക്കിനുണർവേകി
പിന്നെപ്പോളോ മുറ്റത്തെ കോണിലെ തേൻമാവിൻ ചുവട്ടിലായ് കത്തിയമർന്നൊരാ പട്ടടയായ് മാറുമ്പോഴും മൂകമായ് സാക്ഷികളാകുന്നവർ
നിലാവുണ്ടായിരുന്നു ആ രാത്രിയിലും
ഇനിയില്ല വേരുകൾ ഈ മണ്ണിലായ് ഇനിയില്ല
ജൻമങ്ങൾ ഈ ഭൂമിയിൽ
നിലാവുണ്ടായിരുന്നു ആ രാത്രിയിലും
ഏകനായ് ഞാനിന്നു തുടരുമ്പോളും
********** ദേവൻ *************
Not connected : |
