മരം
ഒരു കൈകുമ്പിൾ നീരു നല്കൂ - ഈ
ധർതിക്കു തണലായ്‌ വളരട്ടെ ഞാൻ,
നൽകിടാം നിങ്ങൾക്ക് വറ്റാത്ത പുഴകളും-
പിന്നെയനേകം ജന്തുജീവികൾ.
കാണേണ്ട നമ്മൾക്കിനിയാ സൂര്യരാജാവിൻ ക്രൂരമുഖം,
മറയട്ടെ മണ്ണിൽ കരിഞ്ഞുണങ്ങിയ ജീവിതങ്ങൾ,
വരണ്ടുണങ്ങിയ ദിനങ്ങൾ വേണ്ടിനി
വിണ്ടുകീറിയ നെൽപാടങ്ങളും വേണ്ട
നിൻറ്റെ കാൽപാദങ്ങൾ അമരട്ടെ - പുൽത്തകിടിയിൽ
തണൽ വിരിച്ചീടും കുടകളായി വൻമരങ്ങളും
നിൻ മേനിയെ തഴുകുമിളം കാറ്റിനലകളും
കളകളാരവതോടോഴുകും കാട്ടരുവികളും
ശ്വസിച്ചീടൂ നീയിനി പരിശുദ്ധ ജീവവായു
നൽകിടൂ നിന്നുച്ച്വാസ വിസർജ്യമെനിക്കായി
പനിനീർപൂമഴ പെയ്യട്ടെയീ ധർത്തിയിൽ
തിരുത്തിയെഴുതിടാമീ ധർത്തിതൻ ചരമഗീതം.
Not connected : |
