പ്രകൃതി സ്നേഹികള്‍ പൊറുക്കുക
ഇന്നലെ ഷോപ്പിംഗിനുപോയപ്പോള്‍
ഒരു പുതിയ പൌച് വാങ്ങി .
പുറത്തു സ്പയ് ഡര്‍മാന്‍ടെ ചിത്രമുള്ള ഒന്ന്.
രണ്ടു കള്ളികളുണ്ട് അതിന്‌.
ഒന്നാമത്തേതില്‍ അപ്പനെയും അമ്മയെയും സഹോദരനെയും
പിന്നെ സ് ഥലമുണ്ടെങ്കില്‍ ഒന്നില്‍ പഠിപ്പിച്ച
അന്നമ്മ ടീച്ചറിനേയും ഇട്ടുവെക്കണം.
മറ്റതില്‍ കുറെ കവികളെയും.
ആവശ്യമുള്ളപ്പോള്‍മാത്രം പുറത്തെടുക്കണം.
ഇതില്‍ രണ്ടിലും കയറ്റാനാവാത്ത ഒരുത്തനുണ്ട്.
യാത്ര പോകുമ്പോഴൊക്കെ സ്ടീല്‍ അലമാരയുടെ
അകത്തെ കള്ളിയില്‍ പൂട്ടിവെക്കും .
എന്നിട്ട് താക്കോല്‍ അക്വേറിയത്തിലിടും
തിരിച്ചു ചെല്ലുമ്പോഴേക്കും
തടിച്ച ചുണ്ടുള്ള തേവിടിശ്ശി മത്സ്യങ്ങള്‍
നശിച്ച ഉമ്മകള്‍കൊണ്ട് അവനെ കോലം കെടുത്തിയിട്ടുണ്ടാവും
അതാ ഇന്ന് ഒരു പപ്പായ മരം വെട്ടിയത്.
ഒരു രൂപക്കുടു പണിയിക്കണം......
പ്രകൃതി സ്നേഹികള്‍ പൊറുക്കുക
ഇത് മനുഷ്യസ്നേഹം.
Not connected : |
