മോഹം
ആർദ്രമായ് അവളെൻ അരികിലെത്തി
ആരോരുമറിയാതെ ഉമ്മ നൽകി.
തിരയുന്ന വെള്ളികൊലുസിൻ നാട്യം
മായാതെ ചുംബിച്ചകന്നവളെ ..
ഒരുപക്ഷേ നിൻ കൊലുസിനിന്നല്ലോ -
എന്റെ ഹൃദയത്തിൻ മണിമുഴക്കം .
എന്റെ പ്രണയത്തിന് തീജ്വാലയിൽ -
അണയാതെ അണഞ്ഞൊരെൻ സാമീപ്യമെ
ഒരു നോക്കു കാണുവാൻ വീണ്ടുമല്ലോ
പ്രണയം തുടിക്കും മനസിൻ മോഹം.
കാത്തുകിടന്നു ഞാൻ നിൻ കാല്പെരുമാറ്റത്തെ,
ദ്രുതതാളം കൊട്ടുന്ന നെഞ്ചുമായി.
സ്വപ്നത്തിലെന്നോണം പുഞ്ചിരി തൂകി ഞാൻ ,
നിൻ കരസ്പർശത്തിൻ ആനന്ദത്താൽ .
നിന്നിലലിയാൻ കൊതിയോടെ വെമ്പി ഞാൻ ,
ഒരു വേനൽ കിളിയുടെ പ്രണയവുമായി .
അക്ഷരം മറന്നു ഞാൻ , ആത്മാവും മറന്നു ഞാൻ ,
ഓർത്തതു നിൻ ഹൃദയത്തുടിപ്പു മാത്രം .
നിറങ്ങൾ മറന്നു ഞാൻ, വർണങ്ങൾ മറന്നു ഞാൻ ,
ഓർത്തത് നിന്റെ സ്നേഹം മാത്രം.
Not connected : |
