രണ്ടായിരത്തിപ്പതിനൊന്ന്
പൊയ്പ്പോയ രണ്ടായിരത്തി
പ്പതിനൊന്നാമാണ്ടിലെ
ഓര്‍മ്മകള്‍ നടുക്കുന്നിതെപ്പൊഴും.
അല്‍പം സുദിനങ്ങള്‍ തെളിയു -
ന്നുവെങ്കിലും തിക്തമാം
നൊമ്പരങ്ങളേറെ നോവുകള്‍ നീളെ.
പൊടുന്നനെ മറക്കാവതല്ലയീ -
യാണ്ടിലെ ദിനങ്ങളൊന്നും.
എവിടെയൊക്കെയോ ആഞ്ഞ്‌
പതിച്ച കൊടും പ്രഹരം ക്രൂരം .
നീറുന്ന വേദനകളാല്‍
പുളയുന്നെന്‍ ചിത്തം അനുദിനം;
ഓര്‍ക്കാപ്പുറത്തായിരുന്നല്ലോ
വന്നു ഭവിച്ചതീ വന്‍നഷ്ടം ?
പിടയുന്ന മനസ്സിനെയെങ്ങനെ ആശ്വ -
സിപ്പിയ്ക്കുമീയാഘാതമേശാതെ.
**************
Not connected : |
