ഒരു യാത്രാമൊഴി…
ഒരു യാത്രാമൊഴി…
ഒന്നും മിണ്ടാതേ,
മിഴികൾ തുളുമ്പാതേ,
നിന്നു ഞാൻ നിന്റെ
മുന്നിൽ മുഖമുയർത്താതേ..
ആയിരം നോവുകൾ
നെഞ്ചിൽ കിനിഞ്ഞിട്ടും,
നിറമുള്ള ഓർമ്മകൾ
പെയ്തിറങ്ങീട്ടും ,
പറയാൻ തുനിഞ്ഞ
യാത്രാമൊഴികൾ
തൊണ്ടയിൽ കുടുങ്ങീട്ടും...
ഒടുവിൽ നിൻ ചിരിക്കൊരു –
മറുചിരി നൽകാതേ,
ഉഴറി ഞാനുമെൻ -
നെഞ്ചിടിപ്പുകളും..
ചിരിയൊഴിഞ്ഞൊരെൻ
ചുണ്ടുകൾ പറയാൻ കൊതിച്ചുവോ-
സ്നേഹിച്ചിരുന്നോ,
നിന്നെ ഞാൻ ഇത്രമേൽ...
അറിയില്ലെനിക്ക് ഒന്നുമേ..
വെളിപ്പെടുത്താൻ ഹൃത്തിൽ
മറ്റൊന്നുമില്ലിനിയും ,
നോവു കിനിയുന്നോ-
രോർമ്മകളുണ്ട് കൂട്ടിനായി..
Not connected : |
