എൻ്റെ ആത്മാവ്
ആ കാണും മലയിലെ പച്ചപ്പിലോ
കുത്തിയൊലിക്കുമോരരുവിയിലോ
പാവമെന്നാത്മാവ് മെയ്മറഞ്ഞീ യന്ത്ര
നാഗരീകത്തിലെ കണ്ണിയായ് ഞാൻ...
സന്ധ്യാവിളക്കും ചെൻസൂര്യനും
ചായം വിതറിയൊരുമ്മറത്ത്
കുഞ്ഞിളം കണ്ണുകൾ നീട്ടി നിന്ന്,
കളിക്കൂട്ടിനെ തേടുന്നൊരെൻ പൈതലേ..
നിൻ ചുണ്ടിലൊരുനാൾ ചിരി പടരും,
കൺകളിലായിരം തിരി തെളിയും..
ആ സുദിനം വരും വരേയ്ക്കും പാവം-
അച്ഛനെ നീ മറന്നിടല്ലേ....
Not connected : |
