നിറമുള്ള രാവുകൾ
നിലാവിന്റെ നിറമുള്ള രാവുകളിൽ
നിശാഗന്ധിപൂക്കുന്ന യാമങ്ങളിൽ
നിറമുള്ള നിന്നോർമ്മതൻ കളിമുറ്റത്തു
നനവാർന്ന മിഴിയുമായ് നിൽക്കുന്നു ഞാൻ
കലിതുള്ളിപ്പെയ്യുന്നൊരീവർഷപാതത്തിൽ
കരളിൽ കദനത്തിൻ കനലെരിയേ
അഴകുള്ള നിൻ മിഴിതൻ നീർത്തുള്ളിയാ-
ലണയ്ക്കുമോ ഉള്ളിലെ തീനാളം
കനവുകൾ കൂട്ടിവച്ചാരോരുമറിയാതെ
ഇരവിന്റെ കൂട്ടിൽ ഞാൻ മുഖം ചായ്ക്കേ
സുഖമുള്ള തെന്നലായ് വാതിൽ പഴുതിലൂ-
ലെത്തി നീ തഴുകുമോ എൻ ഹൃദയം
Not connected : |
