ഭീരുക്കളുടെ രക്തസാക്ഷികൾ
നേതാക്കന്മാർ വാക്കുകൾ
ബലികൊടുത്തു ശരീരം കാക്കുന്നു !
പുരോഹിതന്മാർ ഭക്തി കാട്ടി
ബുദ്ധിയെ കെടുത്തുന്നു !
ചെകുത്താന്മാർ പല്ലിളിച്ചു
കൈകാര്യകർത്താക്കളാകുന്നു !
മതക്കാരും രാഷ്ട്രീയക്കാരും തങ്ങൾതൻ
ഭീരുത്വം മറയ്ക്കുന്നത് -
രക്തസാക്ഷികളെ കൊണ്ടാണ് !
11
എൻ്റെ നാട് എന്നേ
ശ്രേഷ്ഠത പൂകിയേനെ !
എൻ്റെ നാട് എന്നേ
സമ്പൽ സമൃദ്ധമായേനെ !
എൻ്റെ നാട് എന്നേ
വിശുദ്ധമായേനെ !
എൻ്റെ നാട് എന്നേ
ആനന്ദപൂരിതമായേനെ !
എൻ്റെ നാട് എന്നേ
സ്വർഗ്ഗതുല്യമായേനെ !
ഇവർ ഈ രാഷ്ട്രീയ നപുംസകങ്ങൾ
ഭരിക്കാതിരുന്നെങ്കിൽ !!!
111
ജാഗരൂകരാകുക !
ഇനിയെങ്കിലും , സമൂഹമേ ?
നിന്നെ അറുതി വരുത്തി
നിന്റെ ദേഹത്ത് അവരുടെ കൊടി നാട്ടി ,
വൃഥാ വേശ്യ കണ്ണീർ വീഴ്ഴ്ത്താൻ
ഇനിയും അനുവദിക്കരുത് !
ഭീരുവാകാതെ ധീരരായി -
ജീവിക്കുവാൻ വരൂ , മരിക്കാനല്ല !
Not connected : |
