ഇനി എന്ത്?
ഭൂമിതന്‍ ഗര്‍ഭപാത്രത്തിലേക്ക് വീണത്
കാളകുടവിഷം,
കരിമ്പനകള്‍ നിന്നിരുന്നിടത്തിന്ന്
വിഷം ഒഴുകുന്നു,
പുതുനാമ്പുകള്‍ കറുപ്പില്‍ തലപൊക്കുന്നു.
ഭൂമി(അമ്മ)യുടെ ആയുസില്‍
വിഷം കുത്തി വച്ചു.
നല്‍കിയതൊന്നും പോരാതെ
കലഹിക്കുന്നു മക്കള്‍.
മനുഷ്യക്കുഞ്ഞിനെ
വികൃത ജീവിയായി ജനിപ്പിക്കാന്‍
കരാറെടുക്കുന്നു ചുറ്റും,
പാടങ്ങളിലൊക്കെ പാതി ചീഞ്ഞ
മീനുകള്‍,കറുത്ത ജലത്തിലെ
ഇത്തിരി ജീവനായി കേഴുന്നു,
ഒരിക്കലും മാറ്റാന്‍ പറ്റാത്ത
ക്യാന്‍സര്‍ വേദന അമ്മ
കടിച്ചമര്‍ത്തുന്നു,പരിഭവം പറഞ്ഞിട്ടും
ശാസിച്ചിട്ടുംകാര്യമില്ലെന്ന് അമ്മക്ക്
മനസിലായി,
ഇനി എന്ത്?
പ്രളയം,തീ മഴ,
അവസാനം.
Not connected : |
