ചിലന്തികൾ
ചിലന്തി വലകെട്ടുന്നതു-
സത്യത്തിനായിരിക്കില്ല.
സ്വന്തം നിലനില്പിനുമാത്രം.
സത്യത്തിനു വലകെട്ടുന്ന
ചിലന്തികൾ നമുക്കു ചുറ്റും
നിലനില്പിനപ്പുറത്തിനായ്.
വലകളോരോന്നും കള്ളന്റെ
കളിത്തട്ടിൽ മെനഞ്ഞെടുക്കും
ഒരിക്കലും സ്വയം കുടുങ്ങാതെ.
ഒന്നും മറയ്ക്കാത്ത ചിലന്തികൾ
എങ്ങും വലകളുണ്ടാക്കുന്നതു
വിശപ്പിൻ അതിജീവനത്തിനായ്‌
എല്ലാം മറയ്ക്കുന്ന ചിലന്തികൾ
സമൂഹത്തിനു വല കെട്ടുന്നു
കിടമത്സരത്തിൽ വിജയിക്കാൻ.
.
Not connected : |
