നിനക്കായ്…….
അരികിലില്ലെങ്കിലും അറിയാതെ നനയുന്ന
മിഴിയിണക്കാമ്പുകൾ അറിയുന്നു ഞാൻ
പ്രണയാർദ്രനിമിഷങ്ങൾ എന്തിനു വെറുതെ,
മധുമാരി പോലെ നിറയ്ക്കുന്നു നീ.
അകതാരിൽ പ്രണയത്തിൻ
കുളിർമഴതുള്ളികൾ അറിയാതെ എന്നിൽ
നിറയ്ക്കുന്നു നീ
ഒരു കുഞ്ഞുതൂവലില്ലെങ്കിലും ഞാൻ-
വർണസ്വപ്നത്തിൻ ചിറകിലായി
പാറിയെത്താം.
പറയാതെ പണ്ടേ പറന്നുപോയെങ്കിലും
വിരഹത്തിൻ മണിത്തൂവലെനിക്കു നൽകി
വിരഹത്തിൻ വേദന എനിക്ക് നൽകി.
തിരികെ നീ വരികില്ലയെങ്കിലും ഞാൻ എൻറെ
പടിവാതിൽ ചാരാതെ കാത്തിരിപ്പു………………..
നിനക്കായ് കാത്തിരിപ്പു……….
Not connected : |
