അവൾ
അവൾ
നനഞ്ഞ മയിൽപീലിയായ് കൂമ്പിയേവം നയനങ്ങൾ
പതുക്കെ പിന്നെയാ ഗ്രീഷ്മ ഹൃദയമേകാന്തം മൊഴിഞ്ഞു
മെല്ലെ വീശും കാറ്റിൽ ഞാൻ കുളിരുന്നു
നേർത്ത മഞ്ഞിൻ കണികകളെന്നെ നനക്കുന്നു
നഷ്ടമോതുന്നെന്നിലെ നിറങ്ങൾ വൃഥാ
മായുന്നവ നിൻ ചക്രവാളത്തിലൊരിടം മാത്രം
ഉലയുന്നൂ ഞാനേകാന്ത നിമിഷങ്ങളിനിയു-
മുരുകാം വെറുമൊരു സാലഭഞ്ജികയായ്
………..
മെല്ലെ പടരെ ശ്യാമഘട്ടങ്ങളാശാന്തിയിൽ
ചെവിയോർത്തു ഞാനാ മൃദുസ്വനം മന്ദം
സാന്ത്വനമായ്‌ തഴുകാൻ കൈയുയർത്തവേ
തകർന്നു പളുങ്കായതെൻ രൂഢ സ്വപ്നം മാത്രം
---
Not connected : |
