ഒരു ചെറു നക്ഷത്ര വെട്ടം
ഒരു നക്ഷത്ര നാളമായൊരു ചെറുചിരിയുമായി ഒരു മുല്ല വല്ലി തൻ നൈർമല്ല്യവുമായ് ഒരു ഗീതിയീണത്തിൽ പാടിയതിന്റെ താളത്തിലാടി ആരാണായാകാശജാലകപ്പടിയിൽ കാത്തുനിൽക്കുന്നേ? ആ പനിനീർ പാലൊളിയെന്തേയിങ്ങണഞ്ഞിടുന്നു?
ആ ശാലീന വദനമാരുടേതു? ഒരുനേരിടം തേടുകയാണോ? ഈ വഴി പരതുകയാണോ? ഇവിടെ കിന്നരിപ്പുഴയുണ്ട്, ഛായാ തീരങ്ങളുണ്ട് സുഗന്ധ കുസുമവനിയുണ്ട്.
കാന്താരഹൃത്തിലുമാഴിതൻ കോളിലും ഉടൽവെന്തെരിഞ്ഞാലും തിരയടിച്ചലച്ചാലും സ്രാവുകൾ കോമ്പല്ലുകാട്ടിയടുത്താലും നീ യെൻമാറിൽ സുരക്ഷിതം; ശീതളച്ഛായയിൽ സന്ധ്യാ ചിത്രപ്പണികൾ കാണാം, മാഘ പൗർണമിയിൽ മേഘങ്ങളോടൊത്തു നീന്താം, ഉദയത്തിലുണരാ, മൊന്നായ്ത്തീരാം.
Not connected : |
