തനിയെ
മിഴികൾ നിറഞ്ഞുവോ? ഹൃദയം മുറിഞ്ഞുവോ?
തനിയെ ഇരുളിൽ നീ തിരിയായ് എരിഞ്ഞുവോ?
പിരിയാൻ ഒരുങ്ങിയോ ?പറയാൻ വിതുമ്പിയോ ?
നിൻ നിഴൽ നിന്നിൽ നിന്നകലെ മറഞ്ഞുവോ ?
ഇരുളിലും വെയിലിലുമെല്ലാം തിരഞ്ഞുവോ ?
തനിച്ചെന്നു തോന്നിയോ ? തെല്ലൊന്നു തേങ്ങിയോ ?
വിജനമീ വീഥിയിൽ അറിയാതെ പിന്നെ നിൻ
മിഴിയെത്തി തിരയുന്നതെന്തിനായ് എപ്പോളും ?
തിരികെ വരില്ലെന്ന് ചൊല്ലി പിരിഞ്ഞിട്ടും
വഴിയിൽ അനാഥയായ് തേടുന്നതാരെ നീ ?
മൂകമീ സന്ധ്യയും തേങ്ങലും മാത്രമോ
നിൻ ജീവ സ്പന്ദനം ഏറ്റു വാങ്ങീടുവാൻ ?
Not connected : |
