ഞങ്ങളൊരു സന്തുഷ്ട കുടുംബമാണ്
ഇതൊരു 2-ബെഡ് ഫ്ലാറ്റാണ്. ഞാനും അമ്മയും ഒരു പേയിങ് ഗെസ്റ്റു ചേട്ടനും. മുത്തച്ഛൻ ഓൾഡ് ഏജ് ഹോമിലാണ്. വല്യച്ചൻ ഗൾഫിലും,ആന്റിയമേരിക്കയിലും അമ്മാവനങ്ങു ദൂരെ തറവാട്ടിലാണ്. അടുത്ത ഫ്ലാറ്റിലാളില്ല. ഫ്ലാറ്റിനു ചുറ്റും നാലടി പൊക്കത്തിൽ മതിലാണ്. അതിനുമപ്പുറം എന്താണെന്നറിയില്ല. ഇവിടെയാരും വരാറില്ല .
അടുക്കളപ്പണിയമ്മക്കിഷ്ടമല്ല. എല്ലാം ഫാസ്റ്റ് ഫുഡ്ഡാണ്. ബർഗറും തന്തൂരിയും ഹോട് ഡോഗും ഫ്രൈഡ് റൈസും കഴിച്ചു എല്ലാവരും കുറച്ചു തടിച്ചിട്ടുണ്ട്. ഹ ഹ എന്തൊരു രസമാണ്! ചേട്ടനെന്നെ വലിയ ഇഷ്ടാണ്. ചേർത്തുനിർത്തും തലോടും ചോക്കലേറ്റു ബാർ വാങ്ങി ത്തരും. അച്ഛനുമമ്മയുമില്ലാത്തപ്പോൾ ഞങ്ങൾ തനിച്ചാണ്. അമ്മയ്ക്കും ചേട്ടനെ വല്യ ഇഷ്ടാണ്. ഞങ്ങളൊരു സന്തുഷ്ട കുടുംബമാണ്.
Not connected : |
