ചുരുക്കെഴുത്തുകള്‍ - ഹാസ്യം

ചുരുക്കെഴുത്തുകള്‍ 

കൃതയുഗം -
കരകവിഞ്ഞ പ്രണയത്തില്‍ മുക്കി
നാലുപുറമെഴുതിയപ്പോള്‍ അവള്‍ പറഞ്ഞു,
'ചുരുക്കിയെഴുതൂ, സമയമില്ല'

ത്രേതായുഗം -
പെയ്തിറങ്ങിയത്‌ പേനയിലാക്കി,
മൂന്നുപുറമായപ്പോള്‍ അവള്‍ പറഞ്ഞു,
'ഇത്രയും വേണ്ടാ, ഒതുക്കിയെഴുതൂ'

ദ്വാപരയുഗം -
കുടത്തില്‍ നിന്നെടുത്ത്
കുടഞ്ഞുകുടഞ്ഞെഴുതി,
രണ്ടാംപുറം അവള്‍ വായിച്ചില്ല.

കലിയുഗം -
കരണ്ടിയില്‍ക്കോരിയപ്പോള്‍
അരപ്പുറം കവിഞ്ഞു,
അവളതു മടക്കി, 'പിന്നെ നോക്കാം'

കല്‍പ്പാന്തം -
ചുരണ്ടി നോക്കിയപ്പോള്‍
രണ്ട് കുത്തും കോമയും മാത്രം
അവള്‍ ചിരിച്ചു, 'എന്തിനാ വെറുതെ...'

ഇന്ന് രാവിലെ -
കുത്തിനോക്കി,
കുഴിച്ചുനോക്കി,
നനവു പോലുമില്ല...

അവള്‍ പറഞ്ഞു,
'എനിക്ക് ദാഹിക്കുന്നു...'


up
0
dowm

രചിച്ചത്:സോണി
തീയതി:09-05-2012 02:38:05 PM
Added by :vishnu
വീക്ഷണം:225
നിങ്ങളുടെ കവിത സമ്മര്‍പ്പിക്കാന്‍


കൂട്ടുകാര്‍ക്കും കാണാന്‍

Get Code


Not connected :