ഓർമ്മയാണെൻ ശാപവും ; പിന്നെയോ?......
ഓർമ്മയാണെൻ ശാപവും ; പിന്നെയോ?......
ജീവിതം... ഒരു മനുഷ്യന്റെ
അത്യുജ്ജ്വല സമ്പാദ്യം ;
നന്മയുണ്ടതിൽ... തിന്മയും ;
ഏറെയേതെന്നു തൂക്കിനോക്കാൻ
അളവുകോലും കിട്ടിയില്ല.
നന്മ ഞാനേറെ ചെയ്തു...
തിരിഞ്ഞു നോക്കി ഞാൻ ,
കിട്ടിയതതിലേറെ നന്മ ;
നന്മയാണോ അതെന്നു മനസ് ചോദിക്കവേ -
തിന്മയാണതെന്നു മനസുതന്നെ പറഞ്ഞീടുന്നു.
ഒക്കെയും ഓർത്തുനോക്കീടുമ്പോൾ ,
ഭ്രാന്തു പിടിച്ചീടുന്നു ; തല പൊട്ടീടുന്നു ;
ഓർമ്മകൾ .... വട്ടം കറക്കുന്ന നെട്ടോട്ടങ്ങൾ .
ഓർമ്മയാണെന്റെ ശാപവും ; പിന്നെയോ....
പിന്നെ.... പിന്നെ ഒരനുഗ്രഹവും...
Not connected : |
