അന്തിത്തിരി...
അന്തിത്തിരി വെച്ചിട്ടകലുന്നമുകിലേ
അന്നാട്ടിലത്താഴപ്പട്ടിണിക്കാരുണ്ടോ ?
ആകാശക്കൊട്ടാര പടിപ്പുര മുന്നിലെ
വിശന്നീടും വയറിന്നു ചോറുണ്ടോ ?
ചിതറിക്കിടക്കുമാ തിളങ്ങിടും താരകൾ
നിൻതറവാട്ടിലെ നെന്മണിയോ?
ചെറുമന്റെ ചങ്കിലുരുളുമാപെണ്ണിന്റെ
ചൂടിൽ നാഴിയരിയിട്ടു നീ വെയ്ക്കാമോ?
എരിച്ചിലെരിഞ്ഞൊഴുകുന്ന കണ്മുന്നിൽ
ഒരുതവിച്ചോറു നീ വിളമ്പാമോ ?
ചാഞ്ഞുറങ്ങാനായിട്ടലയുന്ന തെന്നലേ
ഇന്നൊരുവട്ടം നിറയുംമിഴിയിലെ നനവകറ്റൂ..
പതിരില്ലാ പാട്ടുകൾ പാടുന്നചന്ദ്രികേ
അരവയർ മയങ്ങാനായിട്ടൊന്നു പാടൂ..
പയിപ്പിന്റെ പൂമൊട്ടുകൾ വിടരുമ്പോൾ
പ്രപഞ്ചമേ,,,പിച്ചിയെടുത്തിട്ടാ
ദൈവത്തെയൊന്നു നീ ചൂടിക്കാമോ?
Not connected : |
