മീനുവിന്റെ ദുഃഖം
ഒരുവേളപോലും ഒരുമിച്ച് തലചായ്ക്കാൻ തരാതെ
ഒരുവേളപോലും തിരികെ വരാതിരിക്കുവാനായ്
എൻ പ്രാണനെ തട്ടിയെടുത്ത കാട്ടാളാ
നീയെൻ മാരനെ കൊന്നൊടുക്കി.
എന്തിനാ സോദരാ ഈ അരുംകൊല
വിധവയെന്ന പദവി ചാർത്തിതരുവാനോ.. ?
മതത്തിൻ വേലിക്കെട്ട് ചാടിവന്ന അമ്മേ,
നിനക്കും തോന്നിയില്ലേ അരുതെന്നു പറയാൻ.
നിന്റെ ബലിഷ്ടകരങ്ങൾ കൊണ്ടെൻ
പ്രാണന്റെ കണ്ണുകൾ ചൂഴ്‌ന്നെടുക്കുമ്പോഴും
അരുതെന്ന് പറഞ്ഞ് നിലവിളിച്ചില്ലേ
ആ പാവം പ്രാണനാഥൻ.
പെണ്ണിനെ പിച്ചിചീന്തുന്നൊരീലോകത്ത്
ആത്മാർത്ഥമായൊരു ഹൃദയമുണ്ടായ എൻ
നാഥനെ ആറടിമണ്ണിനുള്ളിലൊതുക്കുമ്പോൾ
ആങ്ങളമാരെ നിങ്ങൾ എന്തുനേടി...
പൊറുക്കണം മമ സ്നേഹിതനേ,
മരണം സമ്മാനിച്ച ഈ പ്രണയിനിയോട്
കുഴിവെട്ടി മൂടിയെൻ പ്രണയത്തെ നിങ്ങളെല്ലാം
കൂരിരുട്ടിലാക്കി എൻ ഹൃദയത്തെയും...
അഖിൽ എസ് മോഹൻ✍🏽
Not connected : |
