തിരികെ
❤........തിരികെ........❤
"കണ്ണന്റെ വേണുഗാനമിന്നെൻ
കാതിലൊരു കവിതയായ് മുഴങ്ങീടവെ
കാണാമറയത്തേയ്ക്കന്നു നീയും
കൈവിട്ടു ദൂരേയ്ക്ക് മായും നേരം-
കൺതലം നനവാർന്നതിന്നെന്തിനായോ?
കരളൊന്നു നീറി പിടഞ്ഞതിന്നെന്തിനായോ?
അറിയാതെ വന്നൊന്നു കൂട് കൂട്ടിയെൻ
അകതാരിൽ അനുരാഗ ദീപമായി..
അഴൽ നീറും വേദന മഴ പോൽ പൊഴിയവെ
അവനന്നു നെഞ്ചോട് ചേർത്തു വച്ചു.
ആരോരുമറിയാതെ കാത്തു വച്ചു
ആ നോവുന്ന വരികൾ തൻ നേരറിഞ്ഞ്...
അറിയാതെ നനയുന്നു എൻ മനവുമിന്ന്
അനുരാഗ മഴനൂലിൻ തുള്ളിയാലെ
ഇനിയെന്നുമെന്നോട് ചേർത്ത് വയ്ക്കാം
ഇതൾ വീണ പൂവിന്റെ കഥനങ്ങളെ.
ഇനി ഈ രാവ് തീരാതിരുന്നീടട്ടെ
ഇടനെഞ്ചിൻ നിശ്വാസമടരും വരെ..
ഇനിയെന്നുമീ കൈകൾ കോർത്ത് വയ്ക്കാം
ഇഷ്ടങ്ങൾ എന്നെന്നും പങ്ക് വയ്ക്കാം....."
(.....അഭി.....)
Not connected : |
