വിഷുകൈനീട്ടം.
വിഷുകൈനീട്ടം.
മേടമാസപുലരി കണിയൊരുക്കി
ഇനി കണ്ണനുനൽകണം വിഷുകൈനീട്ടം.
അപ്പോഴെ ,കണ്ണൻ വീട്ടുപടിയിലെത്തി.
തിരുമുറ്റത്ത് കൂമ്പിയമിഴികൾ തുറന്നു
തുളസിയും തുമ്പയും പുഞ്ചിരിച്ചു.
തഴുകവേ ,ചുറ്റും ചിത്രവർണങ്ങൾനിറഞ്ഞു.
തീർത്ഥകുളങ്ങൾ ആമന്ദം തുള്ളി.
നെൽ പാടങ്ങൾ ഇളംകാറ്റില് കുണുങ്ങി.
മംഗളം പാടുന്നു സർവ്വം.
ആ പിഞ്ചുപാദങ്ങളിൽ നൂപുരങ്ങൾ മിന്നി
കാകളം നിറയുമീകൊന്നചില്ലകൾ പൂവർഷമേകി...
നട്ടൊരോ വിത്തുകൾ തൊട്ടവൻ
പൊൻകനിയാക്കി,
കണ്ണാ ഓടക്കുഴല്‍ ഊതിവാ.
തുടിക്കും താലമാം ഹൃദയത്തിൽ
കുടികൊള്ളുക വിരുന്നൂട്ടാം.
നിറയ്ക്കാം കിനിയുവാൻ വെണ്ണ
എൻ വിഷുകൈനീട്ടം കണ്ണാ...
Not connected : |
