ഞാനായിരുന്നെങ്കിൽ
നിൻവാർമുടിച്ചുരുളിൽ നിന്നു
തിരുന്ന നീർ തുള്ളി ഞാനായിരുന്നെങ്കിൽ....
നിൻ മാൻ മിഴിയിലെഴുതുന്ന
കൺമഷി ഞാനായിരുന്നെങ്കിൽ....
നിൻ കഴുത്തിനെ ചുംബിച്ച
മണിമാലയുടെ മുത്തായിരുന്നെങ്കിൽ.....
നിൻ മൃദുലമാം കരങ്ങളിൽ
തിളങ്ങുന്ന വളയായിരുന്നെങ്കിൽ....
നിൻ വിരലിൽ മിന്നുന്ന മരതക -
കല്ലിന്റെ മോതിരമായെങ്കിൽ....
നിൻ ചുവന്ന പാദങ്ങളിലമരുന്ന
വെള്ളിക്കൊലുസിന്റെ നാദമായിരുന്നെങ്കിൽ....
നിന്നുടലിന്റെ വർണ തുടിപ്പിനെ
തഴുകുന്ന ദാവണി ഞാനായിരുന്നെങ്കിൽ.
നിന്നിൽ നിന്ന് പൊഴിയുന്ന
രാഗത്തിൻ സ്വരമായിരുന്നെങ്കിൽ....
നിന്നിലേക്കെത്തുവാൻ
ഇനിയെത്ര ദൂരം താണ്ടണം ഞാൻ !
Not connected : |
