ചുട്ടെരിക്കൽ. 

സൂര്യനെയൊളിപ്പിച്ചും
ചന്ദ്രനെയൊളിപ്പിച്ചും
കറുത്തിരുണ്ട മേഘങ്ങൾ
മാനത്തോടിനടക്കും പോലെ
പെണ്ണിന്റെ ഉള്ളറിയാതെ
പ്രേമമൊരുരോഗമാക്കി
ആശ നിരാശ്ശയാക്കി
പെട്രോളും തീപ്പെട്ടിയുമായി.

എവിടെയെങ്കിലും ഒന്നിച്ചെ-
രിഞ്ഞടങ്ങാൻ ക്രൂരമായ-
പൊതുനിരത്തിലെനാടകത്തിൽ
വിദ്യാർത്ഥിയുംപോലീസും യുവാവും

പൊതുജനത്തിന്റെ മനോനില
ചോദ്യം ചെയ്തു സ്ഥിരം
കുരുതിക്കളമൊരുക്കുമ്പോൾ
സമുദായമനസാക്ഷിപ്രതിക്കൂട്ടിൽ.

വിശുദ്ധപുസ്തകങ്ങളും
വേദപ്രമാണങ്ങളും
കൂട്ടപ്രാർത്ഥനയും
നാമജപങ്ങളും
സത്യവാചകങ്ങളും
അധരവ്യായാമമായി.

0

രചിച്ചത്:മോഹൻ
തീയതി:17-06-2019 11:23:22 AM
Added by :Mohanpillai
വീക്ഷണം:28
നിങ്ങളുടെ കവിത സമ്മര്‍പ്പിക്കാന്‍