രാ ..വൃക്ഷവും മു ...വൃക്ഷവും
ഒത്തിരി ഒത്തിരി പൂമരങ്ങൾ
അതിൽ ഒട്ടേറെയായ് നന്മമരങ്ങൾ
വേരോടി തളിർത്ത ഭൂവിൽ
എല്ലാത്തിന്റെ പേരോ അറിയില്ല
അങ്ങനെഇരിക്കെ ഞാനും കണ്ടു
രാ ...വൃക്ഷവും മു ...വൃക്ഷവും
ഘോര അതിഘോര വാദപ്രതിവാദങ്ങളിൽ.
വ്യാജ ഒസിയത്തുകൾ എഴുതിവെച്ചാ
പത്രതാളികൾ മുറുക്കെപ്പിടിച്ചു
ഉറപ്പുള്ളചില്ലകൾ ആടിപന്തലിച്ചു.
അന്യോന്യം അടിച്ചടിച്ചുരക്തക്കറ
ഒലിപ്പിച്ചു പിളർന്നുതാഴെവീണു ..
ചൂളമടിച്ചു കാറ്റതു കണ്ടുചിരിച്ചു
ആ തടികൾ ചീഞ്ഞുമണിനടിയിലായി .
പക്ഷെ, ആ മരവും ഈ മരവും
വിഷവിത്തുകൾ മണ്ണിൽ
വാരിവിതറിയിരുന്നു ...
പൈതൃകത്തിൻ ദ്രവിച്ച വേരുകൾ
അവ ചികഞ്ഞുകൊണ്ടിരിന്നുവോ
ആ രാജവൃക്ഷങ്ങളുടെ മഹിമ
പാടി പടയൊരുക്കങ്ങൾ ഒരുക്കു൦
ഞോണ്ട പുഴുക്കൾ പെരുകും മുമ്പേ,
ഹേയ് സവിതാവെ, ചന്ദ്രനിൽ സ്ഥലo
കണ്ടെത്തി പിഴുതെറിയൂ അവയെ
ഈ സ്വർഗ്ഗഭൂവിൽ താപശമനത്തിനായി
"ബോധിതരു" തരൂ തരൂ ..
സ്നേഹക്കുളിരു തരൂ
ആ വിധിനടപ്പിലാക്കൂ...
വെച്ചുപിടിപ്പിക്കാ൦ തർക്കഭൂവിൽ
ഒത്തിരി ഒത്തിരി"ബോധിതരു" .
വിനോദ്‌കുമാർ വി
Not connected : |
