സപ്താഹം  - തത്ത്വചിന്തകവിതകള്‍

സപ്താഹം  

അടുത്തൊരമ്പലത്തില്‍ സപ്താഹം .
തലയ്ക്കുമുകളില്‍
ഇടിമുഴക്കത്തോടെ അലറിവിളിക്കുന്ന
നീണ്ട കോളാമ്പികള്‍ !
അവതാരകരുടെ ഘനഗംഭീരമായ
പാരായണം !
അക്ഷരപ്പിശകുകളില്‍ രാഗവിസ്താരം !
അര്‍ത്ഥവിശദീകരണത്തില്‍ മസ്തിഷ്കപ്രക്ഷാളനം !!
മീനും ആമയും പന്നിയും പോയപ്പോള്‍
വീടിന്റെ കുടല്‍മാലയുമായി നരസിംഹം !!
ഇടവേളകളില്‍ ഗുരുവായൂരപ്പന്റെ
കൊലവെറിപ്പാട്ട് !,
യുദ്ധഭൂമിയില്‍ ഏഴ് പകലുകള്‍ !!

എട്ടാംനാള്‍ ..
കോളാമ്പികള്‍ നിലത്തിറങ്ങുന്നത്
ഒരു ദീര്‍ഘനിശ്വാസത്തോടെ
നോക്കിനിന്ന എന്നോട്
സംഘാടകന്റെ അന്വേഷണം :
"എങ്ങനെയുണ്ടായിരുന്നു സപ്താഹം ?''

"ഗംഭീരം! അന്നദാനത്തിനു
ഇത്തവണയും നല്ല തിരക്കുണ്ടായിരുന്നു !!"
അവലോകനത്തിന്റെ അപ്രിയസത്യം .


up
1
dowm

രചിച്ചത്:രജീഷ് പാലവിള
തീയതി:31-10-2012 10:43:55 AM
Added by :rejeesh palavila
വീക്ഷണം:130
നിങ്ങളുടെ കവിത സമ്മര്‍പ്പിക്കാന്‍


കൂട്ടുകാര്‍ക്കും കാണാന്‍

Get Code


Not connected :