ഏകാദശിയാണെന്നറിയാതെ
ഏകാദശിയാണെന്നറിയാതെ ഒരുനാൾ
ഗുരുവായൂരിലെത്തി..
ഞാൻ ഗുരുവായൂരപ്പന്റെ നടയിലെത്തി..
തുളസിക്കതിർമാല തിരുമാറിലർപ്പിക്കാൻ
ഗുരുവായൂരപ്പന്റെ നടയിലെത്തി..
മണിമുറ്റത്തുരുളിയിലെ മഞ്ചാടിമണികളെൻ
മനസ്സിൽ മഴവില്ലു തീർക്കുമ്പോൾ..
മന്ദ്ര മധുരമായ് കഥകൾ പറയുമ്പോൾ.. (2 )
മിഴിനീരുകൊണ്ടെൻറെ മനസ്സിലെ മാലൊക്കെ
മായ്ച്ചു ഞാൻ നിൻ മുമ്പിൽ നിന്നനേരം..
തൃക്കയ്യിൽ വെണ്ണയുമായി നീ വന്നെന്നെ
പൂന്താനമെന്നപോൽ എതിരേറ്റൂ..
നെയ്വിളക്കെരിയുന്ന കനകശ്രീകോവിലിൽ
ഗുരുവായൂരപ്പന്റെ കണിവിഗ്രഹം
കണ്ണൻ പതിവായി പൂജിച്ച തിരുവിഗ്രഹം..(2 )
കണ്ണടച്ചൊരുമാത്ര തൊഴുതുനിന്നപ്പോൾ
എൻ മനസ്സു നീ ശ്രീകോവിലാക്കീ..
ഭൂലോകവൈകുണ്ഠ ശ്രീയെഴും വിഗ്രഹം
നീയെന്റെ ചിത്തത്തിൽ പ്രതിഷ്ഠിച്ചൂ..
Not connected : |
