മത്സരം - തത്ത്വചിന്തകവിതകള്‍

മത്സരം 

മത്സരങ്ങളൊരുപാട് നിത്യവും
മത്സരത്തൊടുയിർ നേടിവന്നിടും
മത്സരത്തിനവ നമ്മെയും മുദാ
മത്സരിച്ചു ക്ഷണമേകിടുന്നിതാ

മൽസ്സഖാക്കൾ ക്ഷണമേകിയാലുമാ
മത്സരത്തിനനുരൂപനല്ല ഞാൻ
മത്സരങ്ങളെളുതല്ല മൽസഖേ
മത്സരത്തിനനുയോജ്യനല്ല ഞാൻ

മത്സരിച്ചു വിജയം വരിക്കുവാൻ
മൽക്കരത്തിലൊരുകോപ്പുമില്ലെടോ
മത്സരിക്കണമെന്ന ചിന്തയും
മൽക്കിനാവിലും തെല്ലുമില്ലെടോ

മത്സരത്തിലുളവായ നേട്ടമോ
മത്സരത്തിലുളവായ കീർത്തിയോ
മത്സരത്തിലുളവായ കോട്ടമോ
മത്സരത്തിലുളവായകീർത്തിയോ

മൽപ്രയാണ സമയത്തുപായമായ്
മൽത്തുണയ്ക്കു വരുമെന്ന് ഞാനിഹ
മൽക്കിനാവിലും പാർത്തതുമില്ലെടോ
മത്സരിക്കുന്നതൊക്കെയും വ്യർത്ഥമേ!

** "കൂടിയല്ലാ പിറക്കുന്ന നേരത്തും
കൂടിയല്ലാ മരിക്കുന്ന നേരത്തും
മധ്യേയിങ്ങനെ കാണുന്ന നേരത്തു
മത്സരിക്കുന്നതെന്തിനു നാം വൃഥാ" ? **

** ഞാനപ്പാനയിലെ വരികൾ **


up
0
dowm

രചിച്ചത്:സുദർശനകുമാർ വടശേരിക്കര
തീയതി:16-03-2020 02:34:51 PM
Added by :C K Sudarsana Kumar
വീക്ഷണം:2
നിങ്ങളുടെ കവിത സമ്മര്‍പ്പിക്കാന്‍


കൂട്ടുകാര്‍ക്കും കാണാന്‍

Get Code



നിങ്ങളുടെ അഭിപ്രായം

മലയാളം കവിതകള്‍ / Malayalam Kavithakal (Poems)


മലയാള കവിത | Malayalam Kavitha

ജന്മദിന ആശംസകള്‍

പുതുതായി ചേര്‍ന്നതു

ഈ മാസ വിജയിതാവ്

Random കവിതകള്‍

web hosting

For Advertising, Contact

കവിതകള്‍

ഇതും നോക്കുക

Live Cricket Scores

അധികം എഴുതിയവര്‍ (Top Contributors)

ഈ മാസം അധികം എഴുതിയവര്‍

Join Vaakyam on follow me