പ്രഭാതം - മലയാളകവിതകള്‍

പ്രഭാതം 

കാണാം കിഴക്കൻ മലയിലൊരു കുങ്കുമ-
പൊട്ടായുദിച്ചഗ്നി രഥമേറിയുയരും
ബാലാർക്കബിംബം സുവർണ്ണാഭയോടെ;
ഗായത്രികൾ ചൊല്ലിയെതിരേൽക്ക നമ്മൾ

മകരമാസക്കുളിരണിഞ്ഞൊരു പുലരിയുണരുന്നൂ
മഞ്ഞുനല്കിയ ധൂമ്രവർണ്ണക്കഞ്ചുകങ്ങളിൽ മാമലകൾ
മഞ്ജുളാംഗികളായി ദൂരെത്തപസ്സിരിക്കുന്നൂ
മഞ്ജീരശിഞ്ജിതമോടെ ലതകൾ നടനമാടുന്നൂ

പൂർവ്വദിങ്മുഖമാകെയൊരുനവ ശോഭ പടരുന്നൂ
പൊൻകരങ്ങളുമായി ദിനകരനവിടെയണയുന്നൂ
പർവണേന്ദു മറഞ്ഞു ദൂരെ പശ്ചിമാദ്രികളിൽ
പഞ്ചമങ്ങൾ പാടിയണയും കോകിലങ്ങളിതാ

ജാലകത്തിരശ്ശീലനീക്കി നനുനനുത്ത കരങ്ങൾ നീട്ടി
ജാലവിദ്യക്കാരനെപ്പോൽ പവനനണയുന്നൂ
മന്ദിരാങ്കണമാകെനിറയും മഞ്ജുസൂനസുഗന്ധമേറ്റി
മന്ദമവനെന്നരികിലെത്തി തഴുകിനിൽക്കുന്നൂ

കോടമഞ്ഞിൻ കോടി കീറി കോടിസൂര്യകരങ്ങൾ തഴുകീ
കോടരങ്ങളിലുണർവ്വുനേടി പ്രകൃതിയുണരുന്നൂ
കളകളങ്ങളുണർത്തിയൊഴുകും അരുവിതൻ ജതി കേട്ടതാണോ?
കുരുവികൾ കളകൂജനത്തിൻ പുഴയൊഴുക്കുന്നൂ !!!


up
0
dowm

രചിച്ചത്:സുദർശനകുമാർ വടശേരിക്കര
തീയതി:16-03-2020 02:31:00 PM
Added by :C K Sudarsana Kumar
വീക്ഷണം:10
നിങ്ങളുടെ കവിത സമ്മര്‍പ്പിക്കാന്‍


കൂട്ടുകാര്‍ക്കും കാണാന്‍

Get Code



നിങ്ങളുടെ അഭിപ്രായം

മലയാളം കവിതകള്‍ / Malayalam Kavithakal (Poems)


മലയാള കവിത | Malayalam Kavitha

ജന്മദിന ആശംസകള്‍

പുതുതായി ചേര്‍ന്നതു

ഈ മാസ വിജയിതാവ്

Random കവിതകള്‍

web hosting

For Advertising, Contact

കവിതകള്‍

ഇതും നോക്കുക

Live Cricket Scores

അധികം എഴുതിയവര്‍ (Top Contributors)

ഈ മാസം അധികം എഴുതിയവര്‍

Join Vaakyam on follow me