തത്തമ്മപ്പെണ്ണ്
തത്തമ്മ ചുണ്ടുള്ള പെണ്ണേ
നിൻ കവിളിണയിലെന്തേ
നാണത്തിൻ നുണക്കുഴിയോ
നല്ല ചേലേറും ചെമ്പക പൂവോ
(തത്തമ്മ ചുണ്ടുള്ള പെണ്ണേ )
കാണാൻ കൊതിച്ചു ദിനവും
നേരം പുലരും തൊട്ടന്നേ
പാടവരമ്പത്തു നിന്നേ
കായലോരത്തും കണ്ണും നട്ടന്നേ
(തത്തമ്മ ചുണ്ടുള്ള പെണ്ണേ )
ഇഷ്ട്ടം പറയാൻ കൊതിച്ചു
ഇഷ്ടക്കേടാവുമെന്ന് പേടിച്ചു
നേരം കൊഴിഞ്ഞതു നേര്
പിന്നെയിഷ്ടമറിഞ്ഞതും നേരാ
(തത്തമ്മ ചുണ്ടുള്ള പെണ്ണേ )
ചന്ദനപ്പൊട്ടിട്ട പെണ്ണെ കണ്ണു
കണ്ടിരിക്കാനെന്ത് ചേലാ
നിന്നെ കാണാൻ നെഞ്ച് തുടിക്കും
ഒന്നു കണ്ടില്ലേൽ നെഞ്ചകം നീറും
(തത്തമ്മ ചുണ്ടുള്ള പെണ്ണേ )
ചാരത്തണയാഞ്ഞതെന്തേ
നെയ്ത സ്വപ്‌നങ്ങൾ പൂക്കാഞ്ഞതെന്തേ
ജന്മങ്ങളിനിയുമുണ്ടോ
എനിക്കായൊന്ന് ഈ ഭുമീൽ പിറക്കാൻ
(തത്തമ്മ ചുണ്ടുള്ള പെണ്ണേ )
Not connected : |
