തെന്നലരുവികൾ
നീല നിലവിനോളുവിൽ ചാഞ്ഞു
മയങ്ങും മന്ദഹാസം
വെണ്മ പകർന്ന രാവിൻ താപം
ചുവക്കും പുഞ്ചിരിഹാസം.
കണ്ണോരം ചെപ്പിൽ തുളുമ്പും
നുകർന്ന നെയ്യിൻ മാധുര്യം
പാലാഴിയിൽ ചെന്നലിയുമോരോ
ശ്രുതിയും കാലൊച്ചയും
കേൾക്കാൻ കൊതിക്കുമീ-
മന്ദഹാസമോരോ മലനിരകളിലും.
ആയിരംപറ പാടങ്ങൾക്കുമകലേ
ഒഴുകിതുഴയുമീ വൈവിധ്യങൾ
ഭൂമിയിൽ നാടിവ്യൂഹങൾപോൽ
വഹിക്കുമോരോ ജീവജാലങ്ങളേയും.
ജനനനീമഹത്വം പകരുമോരോ ഓളങ്ങൾ
ജലത്തിൻ പ്രവാഹമേന്തും തീരങ്ങൾ
ശിവജഡയിൽ ഉയരും ഗംഗാനദിയേ
ശിലനടകളേന്തും പുണ്യപ്രകാശമായ്.
കൺചിമ്പും ഈ തേജസ്വരൂപത്തെ
അങ്ങകലെ പതച്ചെത്തി അംഗരാജ്യത്തിൽ
കവചകുണ്ഡലമേന്തി നില്പൂ കർണ്ണൻ
കടപ്പെട്ടിടും തൻ ജീവവാഹിനിയേ.
തഴുകീടും അഴകിൻഗോളമായി
ഓദീടും കൊലുസിനീണമായി
കണ്ണാടിയോളം വീഥികൾ തൻ സൃഷ്ടികൾ
തെന്നലിൻ തിങ്കളേന്തി തിരത്തലു
മായാമയൂരങ്ങൾ.
Not connected : |
