ഇവിടം സ്വർഗ്ഗമാണ്.
ഇവിടം സ്വർഗ്ഗമാണ്.
ഇവിടം സ്വർഗ്ഗമാണ് ഇവിടം സ്വർഗ്ഗമാണ്.
ഈ സ്വർഗ്ഗ൦ എന്നത് ഏതാണ് ദേശം ?
അവിടെ എത്താൻ എന്താണ് മന്ത്രം ?
ഏതുവഴി അതിനുള്ളിൽ പ്രവേശം ?
അവിടെ അണിയേണ്ടത് ഏതുവേഷം?
തിളക്കുമോ ചോര ഞരമ്പുകളിൽ ?
ഈ സ്വർഗ്ഗ൦ എന്നത് എൻറെ കൊച്ചുകേരളം
അവിടെ എത്താൻ നാവിൽ നിറയണ൦
അമ്പത്തൊന്നു അക്ഷരമന്ത്രം
ഉയരത്തിലാ കിഴക്കേ വാതിൽ,
സഹ്യപർവ്വതം....മുത്തുച്ചിപ്പികൾ
നിറച്ചു പരവതാനിവിരിക്കും
അറബിക്കടൽ പടിഞ്ഞാറേവാതിൽ
അണിഞ്ഞാടാം കഥകളി വേഷം..
ആസ്വാദ്യമാരാമ ഈ ആമേളനം ..പൂമരങ്ങൾ
പുൽകി നടനം ചെയ്യും മഴസുന്ദരികൾ
സ്നേഹജലം വറ്റാത്ത എത്രയോ പുഴകൾ ,
നിത്യാനന്ദം പകരുന്ന കളകൂജനങ്ങൾ
അതുകേട്ടിരിക്കാൻ വരുമോ സ്വർഗ്ഗത്തെ
അറിയാത്തവരെ ഒരേസ്വരത്തിൽ പറയൂ
ഇവിടം സ്വർഗ്ഗമാണ് ഇവിടം സ്വർഗ്ഗമാണ്.
Vinod kumar V
Not connected : |
