കാറ്റേ നീയൊരു കാട്ടുപ്പറവ
കാറ്റേ നിന്നെകണ്ടു ഞാൻ
നീ ചൂളമടിച്ചു പാറി
പറക്കുമൊരു കാട്ടുപ്പറവ
കാറ്റേ നീപാറിപ്പറക്കുമൊരു
കാട്ടുപ്പറവ കാട്ടുപ്പറവ.
കുളിർക്കാറ്റേ നീയിട്ട
വെള്ള മുട്ടകൾ മിന്നുമാ
ആലിപ്പഴങ്ങൾ അല്ലേ...?
ഈ പുല്‍ത്തകിടിമേലെ
ഞാൻ എത്തിനോക്കവെ
നീ പാറിപ്പറനെത്തി
എൻറെ രോമകൂപങ്ങളിൽ
കൊത്തിവലിച്ചു
കോരിത്തരിപ്പതേകിയില്ലേ.
മൃദുലമാതൂവലാലൊപ്പി
തലോടി ചിറകുകൾ വീശി
പോകവേകണ്ടു ചാരത്തു
ചേലൊത്തു ഒഴുകുന്ന
പുഴയിൽ ഓളങ്ങൾ
തീർക്കുന്ന നിൻ നിഴലും .
കാറ്റേ നിന്നെകണ്ടു ഞാൻ.
പൂമരചില്ലയിൽ ആഘോഷമാക്കി
കരിയിലകൾ കൊത്തിപ്പറക്കും
ലോകമാകെ ചലിക്കുമീ
ജീവശ്വാസമായി
ഹൃദയക്കൂട്ടിൽ ചേക്കേറും
കാറ്റേ നീയൊരു കാട്ടുപ്പറവ
Vinod kumar v
Not connected : |
