വിടപറയാതെ പോയ മൗനം 

മൂടൽ മഞ്ഞിൽ ഇറ്റിറ്റുവീഴുമാ
മഞ്ഞിൻ കണങ്ങളിൽ തെളിയുമീ
പൂമുഖ വാതിലിനരികത്തായ് ചാർ-
ന്നിരിക്കും ചാരുകസേരയിൽ ഒരു
വെൺ ചന്ദ്രനെന്നപോലെ തിളങ്ങിനിന്നാ
മുഖമെന്നോർമയിൽ ഒരു വേളയെന്നപോൽ
നിലച്ചുവല്ലോ നിശ്ശബ്ദമാ മൊഴിയി-
തളുകളും വാടിത്തുടങ്ങിയോ നീല
മിഴിയിതളുകളും വിടപറഞ്ഞകലുമീ
കാലമെന്നോളം മാടിവിളിക്കുമീ താര-
കങ്ങളും പിൻ വിളികേൾക്കാതെ
ഒരു സ്വരമറിയാതെ വിടചൊല്ലിപോ-
കയാണീതിങ്കളും അണയാത്തൊരു
നിലവിളക്കുപോൽ തെളിയുമീ-
പടിവാതിലിൽ.....

0

രചിച്ചത്:ജിസ്ന സജിൽകുമാർ
തീയതി:14-02-2021 09:02:23 PM
Added by :Jisna sajilkumar
വീക്ഷണം:258
നിങ്ങളുടെ കവിത സമ്മര്‍പ്പിക്കാന്‍