അവള്‍ അറിയാതെ
അകലെ പറക്കുന്ന ശാരികേ നിന്നുടെ
അരികെ പറക്കുവാന്‍ മോഹമേറെ
ആവില്ലൊരീ ശലഭ ജന്മത്തിനെങ്കിലും
നിന്നെ ഉരുമി പറക്കുന്നെന്‍ നിനവതെന്നും
മോഹിച്ചു പോയേറെ നിന്‍റെ ജന്മങ്ങള്‍ക്കു
കൂട്ടായ് നടക്കുവാന്‍ ഒന്നുമാത്രം
ആശിച്ചതൊക്കയും നിന്‍റെ സ്വപ്നങ്ങള്‍തന്‍
നിഴലായി മാറുവാന്‍ അത്രമാത്രം
അറിഞ്ഞിരുന്നില്ല സഖീ നീയെന്നെ ഒരിക്കലും
അറിഞ്ഞിരുന്നില്ല യെന്നീ നിമിഷം വരെ
അറിയുവാന്‍ കഴിഞ്ഞില്ല നിന്‍റെ പൂമിഴികളില്‍
മലരിട്ട വസന്തവും അന്യമെന്ന്
കള്ളം പറഞ്ഞെന്നെ
കണ്ണീരിലാക്കിയ
കന്നിക്കിനാവുകള്‍ തന്‍
പൊള്ളത്തരങ്ങള്‍ക്കു കാവലിരുന്നുവോ
ഇന്നും പ്രതീക്ഷകളേ.
Not connected : |
