ഈശ്വരന്‍
ഈശ്വരാനിന്നെനീയെന്നുവിളിക്കാമോ,
നീയൊരുമൃദുമുരളിയോഴുകുംപുഴയോ,
തീക്ഷണമാമെന്നന്തര്‍ധാരാകണങ്ങളോ
ഉയിരിലുണര്‍ന്നലിയുമൊരുഷസ്സോ,
കര്‍ണാനന്താനന്തഗാനമായോഴുകുമരുവിയോ,
കുളിരായാതിരയുതിരുമൊരുധനുവോ,
വെറുമൊരുകണികയാമൊരുമണ്‍തരിയൊരു
പുളിനകവനധാരയരിയനീര്‍ച്ചോലയോ,
ആഴിയാകുമലരായിവിരിയുമോരോരാവുമോരോ
പകലുമടര്‍ന്നുവീഴുമോഴുകിമറയാതെ
സായന്തനത്തിലെയുഷസ്സായെന്നിലേയ്ക്കെത്തു-
മാശ്വാസമേവമേകുമേകദ്യുതിയോ,
ആദിമധ്യാന്തങ്ങളില്ലാതെയുണര്‍ന്നുണരും
സര്‍വഹിതഹേതുഹിതമറിയുന്നമനമുകുളമോ,
ബദ്ലഹേം മക്കാമദീനാമധുരയായീധരയിലൊരു
നരനായേവര്‍ക്കുമുയിരരുളിയുള്‍ബോധമോ,
തൊടുത്തപാഞ്ചജന്യമോ , തോളിലേറിയമരമോ
മഹാമൊഴിയലഞ്ഞമണല്‍മരുവോ,
നിഗൂഡമാനസസ്സരസ്സിലെഴുന്നെള്ളിവാഴുമറിവോ,
നിതാന്തസൃഷ്ടിസ്ഥിതിസംഹാരസര്‍ഗസ്വരൂപമോ,
ഇരുളുരുളുമിരവിലണയുമണയാത്തിളയോ,
അരുണനായുണരുമരിയസുപ്രഭാതപ്രസാദമൊ,
വറ്റിയവിത്തിന്നരികിലൂര്‍ന്നൂറിയമാരിയോ,
അകമലരിലൊരുമലരായ്‌കവിതവിരിയുന്നതോ,
തണുതിരഞ്ഞാലയമില്ലാതലയുമൊരുകിളിതന്‍
സഞ്ചാരസ്വര്‍ഗ്ഗമേഘമേഖലാനീഡമോ,
ഖനമൃദുമന്തമാരുതദ്രുതമാരിമരുപഥമണയുവതോ,
ശീതളമലിവിന്‍സുഖസ്വഛ്ഛപാണിയോ,
അലരിവല്ലരിയിലുറങ്ങിയുണരുന്നപ്രജ്ഞയോ,
നിശ്വസിപ്പിചുശ്വസിപ്പിക്കുമുദ്ജീവവായുവോ,
ഉലകിനുമുലകിനുമിനിയുമിനിയുമകലമില്ലാ-
ത്തത്യന്തതാരാപഥവനവീഥിയിലുമിരിപ്പവനോ
പുരുഷാര്‍ത്ഥസുഖശ്രുതിയോംകാരമാമീനള്ലാവിളികളോ,
കദനപീഡിതകലുഷിതദുര്‍ചരചിത്തസദ്‌ചിന്തയോ,
അറിയില്ലയീശ്വരചിന്തയെവിടെയന്തമെന്നറി
വില്ലോരിലുമന്തമില്ലാതനന്തതയിലലയണം,
വിചക്ഷണചക്ഷുസ്സിനതീതമനന്തസാഗരനിതാന്ത
നീലിതനിഗൂഡോദ്ഭാവനാരൂപന്‍ഭവാന്‍.,
ജന്മജന്മാന്തരമേഴല്ലെഴുപതുപുനര്‍ജന്മമേവ
മേകിനാല്‍പോലുമവര്‍ണ്ണനീയശക്തിസുന്തര
ഗാനമെന്‍തൂലികചുരന്നിരിക്കും.
Not connected : |
