മസ്സിലൊരു സുഷിരമുണ്ട് ....!
മസ്സിലൊരു സുഷിരമുണ്ട് ....!
-----------------------------------------------
മനസ്സിലൊരു സുഷിരമുണ്ടെവിടെയോ
എക്സ്റേയിൽ പതിഞ്ഞിട്ടില്ല
സ്കാനിങ്ങിൽ തെളിഞ്ഞിട്ടുമില്ല
ടെലിപ്പതിയിൽ ചിലപ്പോൾ വെളിവായേക്കാം !
ഒർക്കുന്നതൊന്നും ഉറക്കുന്നില്ല
പറയുന്നതൊന്നും പതിയുന്നുമില്ല
കേൾക്കുന്നതൊക്കെ ഉതിർന്നുപോകും
വായിക്കുന്നതൊക്കെ വാർന്നുപോകും !
നല്ലതൊക്കെ നിലത്തുപോയി
തിയ്യതൊക്കെ തങ്ങി നിന്നു
മറക്കേണ്ടതൊക്കെ മറയാതെ നിൽക്കും
മറച്ചുവെച്ചതൊക്കെ പുറത്തു വരും !
മനസ്സോടു മനം ചേരുന്നില്ല
മനനം ചെയ്താൽ മനമുരുളും
മനുജർക്കൊക്കെ മനമിരുളും
മാനസരെല്ലാം മാനിക്കില്ല !
മസ്സിലൊരു സുഷിരമുണ്ട്
മനതാരു പിളർക്കാനറിയില്ല
മനസ്സെവിടെയെന്നറിയില്ല
മാനോമാപിനി കണ്ടതുമില്ല ...!
മെഹബൂബ്.എം
തിരുവനന്തപുരം
Not connected : |
