ആയുസ്സു പുസ്തകത്തിലെ ഏടുകൾ അപഹരിക്കപ്പെട്ടപ്പോൾ
ആത്മാവിലേക്ക് തുളച്ചു കയറുന്ന
കോണ്ക്രീറ്റ് കാടിന്റെ
ചൂട് താങ്ങാനാകാതെ പുറത്തു ചാടി
വെറുതെ കണ്ണും നട്ടിരിക്കുമ്പോൾ,
മുന്നിലുള്ള റോഡിലൂടെ
കുന്നും കാടും പുഴയും
ലോറികളിൽ കയറിപ്പോകുന്നു !
അപ്പോൾ,.നാളെത്തെ മരുഭൂമിയിൽ നിന്നും,
അന്യഗ്രഹങ്ങൾ തേടി പരക്കം പായുന്ന
ഐൻസ്റ്റീന്റെ പിന്മുറക്കാരുടെ
ആരവങ്ങൾക്കിടയിൽ നിന്നും,
തൊണ്ട വരണ്ട ഒരു പക്ഷിയുടെ ആർത്ത നാദം
എന്റെ കാതുകളിൽ വന്നലച്ചു !
തിരിച്ചു കോണ്ക്രീറ്റ് കാടിലേക്ക് കയറിയപ്പോൾ ,
എന്റെ ആയുസ്സു പുസ്തകത്തിലെ
ഏടുകൾ പകുതിയും
ആരോ അപഹരിച്ചത് കണ്ടു ഞെട്ടി ..!
Not connected : |
