ഉണ്ണീ നീ മറക്കല്ലേ  - തത്ത്വചിന്തകവിതകള്‍

ഉണ്ണീ നീ മറക്കല്ലേ  

പൂക്കളെ നോക്കുക ഉണ്ണീ - നിൻ
പൂമുഖം പോലുള്ളതല്ലേ ! (2)

പാടുവാൻ തോന്നുന്നെനിക്ക് - അവ
കാണുമ്പോളുണ്ണീയെന്നുള്ളിൽ

പങ്കിലമേശാത്ത കരളായ് - നീ
പാരിതിൽ എന്നെന്നും വാഴ്ക

പൂന്തേനരുവികളുള്ള - ഒരു
കാനനഭൂമിയിതിങ്കൽ

ഒരുനാൾ ജനിച്ചു നീയിവിടെ - മെല്ലെ
ഭൂമിയിൽ നവജാതനായി

പത്തുമാസം ചുമന്നമ്മ - നിന്നെ
കാത്തതിൻ ശേഷമതല്ലേ ! (2)

നിർമലമാനസമായി - നീയൊരു
നിരുപമ സൗരഭ്യമായി

അമ്മിഞ്ഞപ്പാലിൻ മധുരം - നുകർ
ന്നാത്മാവിലാനന്ദമേകി

കുട്ടികളൊപ്പം കളിക്കാൻ - ആദ്യം
കളിപ്പാട്ടങ്ങൾ ഞാൻ നൽകിയില്ലേ

കൊഞ്ചിച്ചു വാൽസല്യത്തോടെ - അച്ഛനും
നിന്നെ ശിരസ്സിൽ വഹിച്ചു

എങ്ങിനെ വിസ്മരിച്ചീടും - ഉണ്ണീ
സ്വർഗീയമാകുമാ കാലം

സൌന്ദര്യമേറുംപ്രഭയിൽ - പൂമേനി
നാന്മുഖൻ ദാനമതെന്നോ ! (2)

എത്രയോ സ്വപ്‌നങ്ങൾ കണ്ടു -നിന്റെ
ഭാവിയെ ഓർത്തമ്മ നിന്നു

ദുഃഖങ്ങൾ എല്ലാം മറച്ചു - നിന്നെ
സന്തോഷമുള്ളവനാക്കാൻ

എത്ര ദിനങ്ങൾ ചെയ്തു - കഠിന
ജോലികൾ നിന്നെയൊർത്തമ്മ

പൂമുഖം വാടുമ്പോളമ്മ - നല്ല
കഥകൾ പറഞ്ഞിരുന്നില്ലേ

നിദ്രതൻകൈകൾ തഴുകും - നേരത്തു
താരാട്ടു പാടിയുറക്കും

ഈയമ്മയിന്നൊരു കുഞ്ഞായ് - ത്തീർന്നു
നീയോ വലിയൊരു വ്യക്തി

വിസ്മരിക്കല്ലേ നീയുണ്ണീ - നിന്റെ
കടമകളന്ത്യംവരേയും

എന്നെ സംരക്ഷിക്കു വാനുണ്ണീ - നിനക്കു
നന്മകൾ നഷ്ട്ടമാകല്ലേ ! (2)



up
0
dowm

രചിച്ചത്:ബോബൻ ജോസഫ്‌
തീയതി:03-07-2013 11:25:47 PM
Added by :Boban Joseph
വീക്ഷണം:163
നിങ്ങളുടെ കവിത സമ്മര്‍പ്പിക്കാന്‍


കൂട്ടുകാര്‍ക്കും കാണാന്‍

Get Code


mallika
2013-07-09

1) വളരെ നല്ല കവിത...

vtsadanandan
2013-07-10

2) നന്നായിട്ടുണ്ട് ബോബാൻ .

boban
2013-07-15

3) നന്ദി സുഹൃത്തുക്കളെ


നിങ്ങളുടെ അഭിപ്രായം

മലയാളം കവിതകള്‍ / Malayalam Kavithakal (Poems)


മലയാള കവിത | Malayalam Kavitha

ജന്മദിന ആശംസകള്‍

പുതുതായി ചേര്‍ന്നതു

ഈ മാസ വിജയിതാവ്

Random കവിതകള്‍

web hosting

For Advertising, Contact

കവിതകള്‍

ഇതും നോക്കുക

Live Cricket Scores

അധികം എഴുതിയവര്‍ (Top Contributors)

ഈ മാസം അധികം എഴുതിയവര്‍

Join Vaakyam on follow me